PANGUNGUYAKOY, NAKAKATULONG PARA MAIWASAN SA PAGKAKAROON NG VARICOSE VEINS

Ayon sa bagong pag-aaral, ang pangunguyakoy o pagyugyog ng mga paa habang nakaupo ay nagagawang maprotektahan ang blood vessels o daluyan ng mga dugo sa mga hita at binti at potensiyal na nalalabanan ang pagkakaroon ng arterial disease tulad ng varicose veins at iba pang karamdamang nararanasan sa mga ugat ng mga hita at binti dulot ng labis na pangangalay mula sa kawalan ng aktibidad o hindi paggalaw ng katawan.

Sabi ng lead author ng naturang pag-aaral na si Jaume Padilla, assistant professor sa University of Missouri sa Columbia “ gusto naming malaman kung ang saglit na pangunguyakoy ay nakakabawas sa pagbaba ng leg vascular function o paggana ng mga ugat sa mga hita at binti sanhi ng matagal na pag-upo. Habang inaasahan naming ito ay nakapagpapataas ng pagdaloy ng dugo sa lower limbs, ikinagugulat naming malaman na ang pangunguyakoy ay sapat na para mapigilan ang paghina ng mga ugat upang maiwasan ang banta ng arterial diseases”.

Dagdag pa ni Professor Jaume Padilla, mahalagang magkaroon ng break mula sa matagal na pagkakaupo hangga’t maari sa pamamagitan ng pagtayo o paglalakad upang hindi huminto ang circulation ng dugo sa mga ugat ng ibabang bahagi ng katawan ngunit kung nagkataon na naiipit sa isang gawain o sitwasyon hindi maaring maglakad-lakad tulad ng mga empleyadong nakaupo sa  mga opisina, pinakamabuting alternatibo ang pagkukuyakoy o anumang paraan ng paggalaw ng mga binti at paa upang manatiling aktibo at buhay ang pagdaloy ng mga dugo.